GEO 
ENG 
ARM 
2026 წლის 15-17 იანვარს PROVE პროექტი („ღირებულებებზე დაფუძნებული განათლების ხელშეწყობა სამხრეთ კავკასიის უმაღლეს საგანმანათლებლო დაწესებულებებში“) წარდგენილი იყო მორალის მკვლევართა კონფერენციაზე (Tagung der Moralforscher:innen), რომელიც ლუდვიგ-მაქსიმილიანის სახელობის უნივერსიტეტში (მიუნხენი, გერმანია) გაიმართა.
AVaKE ასოციაციის სახელით ჟან-ლუკ პატრიმ წარადგინა ვრცელი პრეზენტაცია თემაზე: „ღირებულებებზე დაფუძნებული განათლება კრიზისულ რეგიონებში: სამხრეთ კავკასიის უმაღლესი სასწავლებლების ლექტორთა ხედვითი პერსპექტივები“ (Werterziehung in Krisengebieten: Vorstellungen von Hochschul-Lehrkräften im Südkaukasus). აღნიშნული ნაშრომი ექსპერტთა საერთაშორისო გუნდის კოლაბორაციული ძალისხმევის შედეგია, რომლის თანაავტორებიც არიან: დიმიტრის პნევმატიკოსი, ანგელინა ლითოქსოიდუ, ტრიანტაფილია გეორგიადუ, სერობ ხაჩატრიანი, ანა გიგაური, თამარ მოსიაშვილი და ეკატერინე შავერდაშვილი.
სესიის ფარგლებში დეტალურად იქნა განხილული სამხრეთ კავკასიის, კერძოდ, სომხეთის, აზერბაიჯანისა და საქართველოს უნიკალური საგანმანათლებლო გარემო.
მოხსენება გათვლილი იყო გერმანულენოვან მკვლევართა სპეციალიზებულ აუდიტორიაზე. მოხსენების ფარგლებში წარიმართა მნიშვნელოვანი დისკუსია იმის შესახებ თუ როგორ შეიძლება მორალური განათლების ადაპტირება სოციალურ-პოლიტიკური სენსიტიურობის მქონე რეგიონებში. მსგავსი მაღალი დონის აკადემიურ ფორუმებში მონაწილეობა ხაზს უსვამს PROVE პროექტის როლს ეთიკისა და განათლების გლობალურ აკადემიურ დისკურსში.
PROVE პროექტის ფარგლებში ავსტრიელ, ბერძენ, სომეხ და ქართველ პარტნიორთა კოლაბორაცია მიზნად ისახავს სამხრეთ კავკასიაში ინოვაციური პედაგოგიური სტრატეგიებისა და სამშვიდობო განათლების ხელშეწყობას.
PROVE პროექტი თანადაფინანსებულია ევროკავშირის მიერ.
