GEO 
ENG 
ARM 
ღირებულებებსა და ცოდნაზე დაფუძნებული განათლების დანერგვა სხვადასხვა დისციპლინაში
მანანა ღარიბაშვილის (თელავის სახელმწიფო უნივერსიტეტი) კოორდინაციით, მე-3 სამუშაო გუნდმა შეიმუშავა ინოვაციური კურსების სპექტრი, რომლებიც VaKE მეთოდოლოგიას რთავს სოციალური და ეთიკური საკითხების სწავლებაში. ზოგიერთ კურსში VaKE გამოყენებულია, როგორც ძირითადი მეთოდოლოგია, ზოგან კი ის ინტეგრირებულია სპეციფიკურ თემატურ მოდულებში.
მათი საერთო მიზანია აკადემიური სწავლებისა და ეთიკური რეფლექსიის ურთიერთშეკავშირება, რათა სტუდენტები მზად იყვნენ მორალური და სოციალური დილემების გადასაჭრელად როგორც პროფესიულ, ისე პირად ცხოვრებაში.
საგანმანათლებლო ფილოსოფია
კურსები ხელს შეუწყობს სტუდენტებს, რომ VaKE-ის სტრუქტურირებული დიალოგის პრინციპით გააანალიზონ ისეთი რეალური პრობლემები, როგორიცაა ინკლუზია, სამართლიანობა და კომუნიკაცია. ამ კურსების ფარგლებში სტუდენტები იწავლიან კრიტიკული კითხვების დასმას, ემპათიასა და ეთიკურ საკითხებზე მსჯელობას, რაც ხელს შეუწყობს დისციპლინური ცოდნის დაკავშირებას ადამიანურ ღირებულებებთან.
მე-3 გუნდის მიერ შემუშავებული კურსები::
• ილიას სახელმწიფო უნივერსიტეტი (ISU) — ღირებულებებზე დაფუძნებული საგანმანათლებლო მიდგომები ისტორიის სწავლებაში, შემუშავებულია დავით მალაზონიას მიერ. ეს 3-კრედიტიანი კურსი იყენებს VaKE მეთოდოლოგიას ისტორიის განათლებაში. კურსის ფარგლებში სტუდენტები გააანალიზებენ ისტორიულ დილემებს და დაგეგმავენ გაკვეთილებს, რომლებიც ისტორიულ გააზრებას ეთიკურ პასუხისმგებლობასთან აკავშირებს.
• თელავის სახელმწიფო უნივერსიტეტი (TESAU) — ინგლისური მედიის ენა, შემუშავებულია მანანა ღარიბაშვილის მიერ. ეს 5-კრედიტიანი კურსი იკვლევს ეთიკურ საკითხებს მედია კომუნიკაციაში. სტუდენტები იყენებენ VaKE დიალოგის პრინციპებს ისეთი დილემების განსახილველად, როგორიცაა სიმართლე, მიკერძოებულობა, სიტყვის თავისუფლება და პასუხისმგებლიანი ჟურნალისტიკა.
• კავკასიის უნივერსიტეტი (CU) — კონფლიქტების მართვა: არაძალადობრივი და ინკლუზიური გარემოს შექმნა, შემუშავებულია ალუდა გოგლიჩიძის მიერ. აღნიშნული 5-კრედიტიანი კურსი VaKE მეთოდოლოგიას რთავს მშვიდობისა და კონფლიქტების კვლევებში. კურსის ფარგლებში სიმულაციებისა და დილემების ანალიზის მეშვეობით სტუდენტები ისწავლიან ინკლუზიური, არაძალადობრივი სასწავლო სივრცეების შექმნას.
• სომხეთის სახელმწიფო პედაგოგიური უნივერსიტეტი (ASPU) — ფსიქოთერაპია, შემუშავებულია მარიანა ავეტისიანის მიერ. ეს 2-კრედიტიანი კურსი მოიცავს VaKE მეთოდოლოგიის გამოყენებას ფსიქოლოგიურ კონსულტირებაში. კურსის ფარგლებში სტუდენტები განიხილავენ ეთიკურ დილემებს კონფიდენციალურობის, ემპათიისა და პროფესიული მოვალეობის შესახებ.
• ერევნის სახელმწიფო უნივერსიტეტი (YSU) — სოციოლინგვისტიკა და კულტურა, შემუშავებულია მარინე იაგუბიანის მიერ. ეს 6-კრედიტიანი კურსი იყენებს VaKE მეთოდოლოგიას ენისა და იდენტობის საკითხების განხილვისას. კურსის ფარგლებში სტუდენტები ისჯელებენ კულტურულ მრავალფეროვნებაზე, კომუნიკაციის ეთიკასა და ღირებულებებზე დაფუძნებულ კულტურათაშორის გაგებაზე.
მე-3 სამუშაო გუნდის კურსებში გამოყენებული მულტიდისციპლინური მიდგომა აჩვენებს თუ როგორ შეუძლია VaKE მეთოდოლოგიას გარდაქმნას საუნივერსიტეტო სწავლება მორალური ზრდის, სოციალური პასუხისმგებლობისა და კულტურათაშორისი დიალოგის სივრცედ.
აღნიშნული სამუშაო პროცესი თანადაფინანსებულია ევროკავშირის Erasmus+ პროგრამის მიერ და ხელს უწყობს ღირებულებითი განათლების დანერგვას სამხრეთ კავკასიის უმაღლეს სასწავლებლებში.
მეტი ინფორმაციისთვის იხილეთ პროექტის გვერდი: https://prove.tesau.edu.ge
